Fortsett å lese...

Mange av dykk har allereie kome godt i gang med lesinga. Nokon er allereie ferdige med boka de byrja med for to veker sidan. Det er veldig bra, og eg seier berre: Fortsett å les!
Planen er som følgjer: De forsett å lese og skrive innlegg på bloggen dykkar om boka, kva de synest er bra med boka, kva som er plottet, kva sjanger boka tilhøyrer osb. Når dei fleste er ferdige med boka skal vi lage ei tilrådingsliste der vi skal liste opp dei bøkene de har lese, med ei kort skildring og terningkast. Denne lista skal alle i klassen ha tilgang til, og kanskje få nokon gode tips. Denne lista skal ikkje bli ferdig før soleåret er omme, så alle bøkene de/ vi les skal inn på ho.

Korleis vi skal lage denne lista må vi snakke om. Skal han liggje på fronter, skal vi lage ei facebookgruppe, ein ny wiki, ein leseblogg, ein plakat... Forsøk å tenkje over kva de vil prøve på og kom med kommentarar!

Les ei god bok...

Dagane blir kortare - det er tid for stearinlys og ei god bok!
I norsktimane i dag skal de gå på biblioteket og låne ei bok. Gjerne på nynorsk. Er du usikker på kva for bok du vil låne, eller om du vil ha nokon gode lesetips bør du spørje bibliotekaren,Ruth. Ho er veldig flink til gi råd om bøker.
Når du har lånt ei bok du har lyst til å lese (ikkje teikneserie) les du minst 30 sider og skriv eit innlegg i bloggen din om boka du har valt. Innlegget bør innehalda fakta om boka (tittel, namn på forfatter mm), kva boka handlar om så langt, kva du synst, kva forventningar du har for vidare lesing osb. Blogginnlegget skal postleggast i løpet av dagen. Eg sjekkar!

Lykke til - og god bok:)